اربعین مشرقی

اربعین حسینی کے موقع پر دنیا کے گوشہ و کنار سے عاشقان امام حسین علیہ السلام کربلائے معلی کا رخ کرتے ہیں۔ پاکستان بھر سے بھی زائرین کی ایک بڑی تعداد براستہ اسلامی جمہوریہ ایران، کربلا میں وارد ہوتی ہے۔ جیسے ہی یہ زائرین ایران میں داخل ہوتے ہیں ایران کے صوبہ سیستان و بلوچستان کی عوام اپنی حیثیت اور توانائی کے مطابق ان زائرین کی خدمت کے لئے موجود ہوتے ہیں۔ امتداد زمانہ کے ساتھ ساتھ زائرین کی تعداد میں مسلسل اضافہ بھی ہوتا رہا ہے۔ کرونا سے پہلے کے پانچ سالوں میں زائرین کی تعداد میں ایک بے پناہ اضافہ دیکھنے کو ملا جس کے بعد اب سیستان و بلوچستان سمیت ایران کے مختلف شہروں میں عوام رضاکارانہ طور پر گروہوں، انجمنوں اور مواکب کی شکل میں زائرین کی خدمت کے لئے کوشاں رہتے ہے۔